Que che parecería cambiar o nacemento por un poboado de Nadal? Creo que che pode gustar. Clica sobre a imaxe da casiña e saberás como facer unha. É cousa de que cambies as cores e tamaños da plantilla para teres logo un poboado de casas distintas. Un pouco de neve en pó e un par de abetos, tamén en cartón e o traballo estaría rematado. Un precioso ambiente de inverno para decorar a nosa casa. En 6º unha boa colección de casiñas tipo xenxibre foron expostas na entrada.
Por outro lado tamén para a árbore poderiamos deseñar as nosas propias estrelas de pinzas. Verás a base ao clicar sobre o enlace, logo é cousa de que ti aportes a túa propia idea. As pinzas son facilmente pintables con rotulador. Dous círculos de goma eva con purpurina ao teu gusto e dous brillantes para os centros onde se unen as pinzas e outros pequeniños para as puntas de ambos lados.
Para rematar pintar cun pouco de cola branca mesturada cunhas gotas de auga e, mentres estea húmida deixar caer un pouco de purpurina. Logo sacode ben para que non quede purpurina solta. Quedan moi aparentes. Mira as que nós fixemos en 3º.
En 4º fixeron uns "duendes" barbudos moi bonitos tamén. Visita a páxina web do Ceip Xuño e no vídeo de Nadal veralos pendurados da árbore vermella da entrada. Clica no enlace.
Tamén verás uns renos con forma de bastón que fixeron os de 1º.
No hay comentarios:
Publicar un comentario
Nota: solo los miembros de este blog pueden publicar comentarios.